5 ditë më parëDy ish-punëtorë të Twitterit akuzohen se kanë spiunuar për A.Saudite
Periskopi(7 vite më parë)
(7 vite më parë)Dy ish-punonjës të rrjetit social, Twitter janë akuzuar në Shtetet e Bashkuara se kanë spiunuar për Arabinë Saudite. Në akuzat e ngritura në San Francisko dyshohet se agjentët sauditë kanë kërkuar informacion personal për përdoruesit e Twitterit, duke përfshirë edhe kritikët e njohur të qeverisë saudite. Dokumentet e gjykatës kanë identifikuar të dy personat si […]
Në akuzat e ngritura në San Francisko dyshohet se agjentët sauditë kanë kërkuar informacion personal për përdoruesit e Twitterit, duke përfshirë edhe kritikët e njohur të qeverisë saudite.
Dokumentet e gjykatës kanë identifikuar të dy personat si Ahmad Abouammo, shtetas amerikan dhe Ali Alzabarah nga Arabia Saudite.
Personi i tretë, qytetar saudit, Ahmed Almutairi, po ashtu është akuzuar për spiunim.
E përditshmja amerikane, The New York Times ka thënë se është hera e parë që qytetarët sauditë janë akuzuar për spiunim brenda Shteteve të Bashkuara.
Gjiganti Twitter ka thënë se ka njohuri “për shkallën në të cilën mund të arrijnë aktorët e këqij” për të minuar shërbimet e rrjetit social.
Arabia Saudite është shtet aleat i Shteteve të Bashkuara në Lindje të Mesme.
Presidenti amerikan, Donald Trump ka krijuar marrëdhënie të ngushta me mbretërinë saudite, pavarësisht pse kjo e fundit është dënuar ndërkombëtarisht për vrasjen e gazetarit, Jamal Khashoggi vitin e kaluar.
Khashoggi është vrarë gjatë një vizite në konsullatën saudite në Stamboll.
