5 ditë më parëIsh-shefi i VW-së rrezikon 169 vjet burgim për shkak të skandalit “Dieselgate”
Periskopi(9 vite më parë)
(9 vite më parë)Ish-shefi dhe inxhinieri i Volkswagenit, Oliver Schmidt, mund të dënohet me burgim për shkak të skandalit të ashtuquajtur “Dieselgate”, nga gjykata e Detroitit në SHBA, raporton motor1. Schmidt është arrestuar duke tentuar që të fluturojë drejt Gjermanisë në janar të këtij viti, dhe është akuzuar për 11 krime e nëse dënohet maksimalisht mund të marrë […]
Ish-shefi dhe inxhinieri i Volkswagenit, Oliver Schmidt, mund të dënohet me burgim për shkak të skandalit të ashtuquajtur “Dieselgate”, nga gjykata e Detroitit në SHBA, raporton motor1.
Schmidt është arrestuar duke tentuar që të fluturojë drejt Gjermanisë në janar të këtij viti, dhe është akuzuar për 11 krime e nëse dënohet maksimalisht mund të marrë dënim deri në 169 vite burg, transmeton koha.net.
Gjykata e SHBA-së ka akuzuar Schmidt se ka tentuar “që të mashtrojë rregullatorët e SHBA-së duke ofruar arsye të rreme, pavarësisht se VW kishe mashtruar qëllimisht me emetimin e gazrave në SHBA, me synimin që të lejonte VW të vazhdojë shitjen e automjeteve me naftë në Shtetet e Bashkuara”.
Gjithashtu është zbuluar se ai ishe i vetëdijshëm se “arsyeja për mospërputhje me emetimin e gazrave ishte se VW qëllimisht kishe instaluar programin mashtrues në veturat me naftë që shiste në SHBA që nga viti 2009 e deri në 2015”.
Prokurorët e SHBA-së kanë mbledhur mbi 4.3 milionë dokumente me më shumë se 40 milionë faqe si provë për akuzat.
Kushtet e pranimit të fajësisë nga Shmidt nuk janë të qarta në këto dokumente tani për tani.
Ai është i vetmi prapa grilave nga shtatë shefat e akuzuar të Volkswagenit për këtë çështje, pasi ish kolegët e tij tani gjenden në Gjermani, jashtë juridiksionit të ligjeve të SHBA-së.
