9 minuta më parëZyra e BE'së reagon pas postimeve të deputetëve te VV, u kërkon partive të mos i bëhet presion KGJK’së për gjyqtarët serbë
Periskopi(një orë më parë)
(një orë më parë)Zyra e Bashkimit Evropian në Kosovë u ka bërë thirrje të gjitha subjekteve politike që të përmbahen nga ushtrimi i presionit ndaj Këshillit Gjyqësor të Kosovës (KGJK) dhe anëtarëve të tij gjatë procesit të vendimmarrjes.
Përmes një reagimi publik, Zyra e BE-së theksoi se një gjyqësor i pavarur, i paanshëm dhe apolitik është themelor për sundimin e ligjit, si në Bashkimin Evropian ashtu edhe në Kosovë.
Kjo zyre ritheksoi rëndësinë e respektimit të pavarësisë së institucioneve të drejtësisë dhe mosndërhyrjes në punën e tyre.
“Zyra e Bashkimit Evropian në Kosovë u bën thirrje të gjitha subjekteve politike që të përmbahen nga ushtrimi i presionit ndaj Këshillit Gjyqësor të Kosovës dhe anëtarëve të tij në procesin e vendimmarrjes. Një gjyqësor i pavarur, i paanshëm dhe apolitik është themelor për sundimin e ligjit si në Bashkimin Evropian, ashtu edhe në Kosovë”, thuhet në “X”.
Përndryshe temë diskutimi në Kosovë është ri-integrimi i gjyqtarëve serbë që dhanë dorëheqje në vitin 2022. /Periskopi/
