Mirë që u dënua Shpend Ahmeti, por PSE JO Donika Gërvalla dhe të tjerë të VV'së? - Çka ndodhi me ta

Kush janë zyrtarët e VV që ishin akuzuar dhe u dënuan sa për sy e faqe?

Zv.kryeministrja dhe në atë kohë ministre e Punëve të Jashtme, Donika Gërvalla kishte dal para Gjykatës, pasi ndaj të njëjtës në vitin 2023 ishte ngritur aktakuzë nga Prokuroria Themelore e Prishtinës për mosdeklarim të pasurisë.

Në vitin 2024 Gjykata e Prishtinës e pati shpallur të pafajshme zëvendëskryeministren Donika Gërvallën, nga akuza për mosdeklarim të pasurisë.

Shpallja e aktgjykimit u bë më 19.11.2024 nga gjyqtari Dibran Jusufi.

Gjyqtari tha se gjykata ka ardhur në përfundimin se vepra penale për të cilat akuzohet Gërvalla, nuk përbën vepër penale.

“Gjykata ka analizuar me vëmendje pretendimet e Prokurorisë Themelore në Prishtinë, por gjen që të njëjtat pretendime në asnjë provë të vetme nuk mund të vërtetohet se me veprimet e të akuzuarës janë përmbushur elementet e veprës penale ‘mosdeklarim i pasurisë’”- kishte thënë gjyqtari Jusufi.

Për mos deklarim të pasurisë lehtë kishte shpëtuar edhe ish ministrja e Industrisë Royeta Hajdari.

Ajo u dënua vetëm me 700 euro.

“E akuzuara R.H [Rozeta Hajdari] është shpallur fajtor dhe është dënuar me gjobë në shumën 700 euro, i cili dënim do të ekzekutohet në afat prej 15 ditëve nga dita kur ky Aktgjykim të bëhet i plotfuqishëm”, thuhej në njoftimin e gjykatës,

Sipas gjykatës, Hajdari, në cilësinë e zyrtares së lartë publike, si ministre e Ekonomisë, Punësimit, Tregtisë, Industrisë, Ndërmarrësisë dhe Investimeve Strategjike në Qeverinë e Kosovës, duke qenë e vetëdijshme për detyrimin e saj ligjor, nuk e ka deklaruar pasurinë ashtu siç e kërkon Ligji për deklarimin, prejardhjen dhe kontrollin e pasurisë të zyrtarëve të lartë publik.

Me 500 euro gjobë për mosdeklarim të pasurisë ishte dënuar edhe ish-deputeti i Verëvendosjes , Hidajet Hyseni.

Në arsyetimin e aktgjykimit ndaj Hysenit, thuhet se ai në cilësinë e zyrtarit të lartë publik, deputet në Kuvendin e Republikës së Kosovës, nuk e ka bërë deklarimin e pasurisë brenda afatit ligjor në Agjencinë për Parandalimin e Korrupsionit me rastin e marrjes se detyrës së deputetit.

Përveç Hajdarit, për veprën e njëjtë penale, më 5 dhjetor 2022 është dënuar me 500 euro gjobë edhe zëvendësministrja e Ministrisë së Punëve të Jashtme dhe Diasporës, Liza Gashi.

Vlen të përmendet se kryeobligimit vjetor jo të gjithë iu përgjigjën pozitivisht. 62 zyrtarë publikë u gjobitën për vonesë në deklarimin e pasurisë nga Agjencia për Parandalimin e Korrupsionit, 19 morën qortime, e 7 kallëzime penale përfunduan në Prokurori, pasi u evidentuan mospërputhje në deklarim.