5 minuta më parëKomandanti i KFOR-it: Presim mbështetje nga Serbia për të siguruar llogaridhënie për sulmet e vitit 2023
Periskopi(16 minuta më parë)
(16 minuta më parë)Komandati i KFOR-it, Ozkan Ulutash, ka thënë se presin nga Serbia që të kontribuojë në sigurimin e llogaridhënies për sulmet e vitit 2023 që ngjanë në Kosovë.
Ai për situatën në Bansjkë të atij viti tha se përbënte sfidë serioze për KFOR-in, por NATO-ja qe përgjigjur menjëherë.
“Ngjarjet në Banjskë në vitin 2023 ishin padyshim një sfidë serioze që kërkoi reagim të shpejtë dhe vendimtar”, ka thënë Ulutash në Info Magazine, transmeton Periskopi.
“NATO-ka u përgjigj menjëherë dhe kjo çoi në forcimin më të madh të kapaciteteve të KFOR-it në më shumë se një dekadë”.
“Edhe pse KFOR-i është përballur me shumë sfida gjatë historisë së vet 27-vjeçare, ai ka dëshmuar vazhdimisht aftësinë për të zbatuar plotësisht dhe paanshmërisht mandatin e tij të OKB-së, si dhe aftësinë për t’u përshtatur kur kërkohet nga zhvillimet relevante të sigurisë”.
“Prioriteti ynë është të sigurojmë se qëndrimi ynë ose prania jonë operative në terren të mbetet e përshtatshme për detyrën. Kjo është ajo ku përqendrohem unë dhe ku do të mbetet i përqendruar çdo pjesëtar i KFOR-it nën mandatin tim, nën komandën time, çdo ditë pa ndërprerje”.
Ulutash tha se KFOR-i komunikon në baza të rregullta me Forcat e Armatosura të Serbisë, dhe presin mbështetje nga ta për të siguruar llogaridhënie për sulmet e vitit 2023 të kryera në Kosovë.
“Së pari, dua të them se KFOR-i mban komunikim të rregullt dhe transparent me Forcat e Armatosura të Serbisë në të gjitha nivelet”.
“Së shpejti do të jem në Beograd, përsëri, dhe do të takoj shefin e Shtabit të Forcave të Armatosura të Serbisë, gjeneralin Mojsilloviq. Ky do të jetë takimi im i pestë me të gjatë këtij mandati”.
“Dhe unë e vlerësoj shumë bashkëpunimin e zhvilluar me gjeneralin Mojsilloviq ndër vite. Ai ka ndihmuar në shumë mënyra të ndryshme, duke forcuar transparencën, besimin e ndërsjellë, dhe duke kontribuuar në ruajtjen e stabilitetit rajonal”.
“Së dyti, siç e ka bërë të qartë Sekretari i Përgjithshëm i NATO-s dhe zyrtarët e tjerë të NATO-s, ne presim mbështetjen e Serbisë për të dhënë ose siguruar llogaridhënie për sulmet e paarsyetueshme të kryera në Kosovë në vitin 2023”.
