5 minuta më parëKjo është gjendja aktuale në pikat kufitare të Kosovës
Periskopi(12 minuta më parë)
(12 minuta më parë)Fluksi i automjeteve në pikat kufitare të Kosovës vazhdon të jetë i shtuar në disa prej vendkalimeve, ndërsa pritjet më të gjata aktualisht janë regjistruar në Dheun e Bardhë.
Sipas të dhënave të përditësuara në orën 17:00, drejtuesit e automjeteve që hyjnë në Kosovë përmes kësaj pike po presin deri në 50 minuta, ndërsa kolona ka arritur në rreth 300 metra. Në dalje, pritjet janë nga pesë deri në dhjetë minuta.
Në Han të Elezit, pritjet janë rreth 20 minuta si në hyrje ashtu edhe në dalje, ndërsa kolonat arrijnë në rreth 80 metra në të dyja drejtimet.
Në Muçibabë është regjistruar kolonë prej 100 metrash në hyrje, kurse në Kullë kolona prej 100 metrash është krijuar në dalje. Në Vërmicë, kolona në hyrje arrin në rreth 70 metra.
Në Jarinje, pritjet në dalje janë nga 10 deri në 15 minuta, ndërsa në hyrje nga pesë deri në dhjetë minuta.
Në pikat e tjera kufitare, përfshirë Merdarën, Bërnjakun, Glloboqicën, Mutivodën, Qafën e Morinës, Qafën e Prushit dhe Stançiqin, pritjet variojnë kryesisht nga tri deri në dhjetë minuta.
Për kamionët nuk janë raportuar kolona, ndërsa pritjet në të gjitha pikat kufitare janë nga tri deri në pesë minuta.
