11 minuta më parëIrani dhe Omani zhvillojnë bisedime për Ngushticën e Hormuzit
Periskopi(një orë më parë)
(një orë më parë)Zëvendësministrat e Punëve të Jashtme të Iranit dhe Omanit zhvilluan bisedime në Teheran gjatë dy ditëve të fundit lidhur me Ngushticën e Hormuzit, njoftoi të dielën zëdhënësi i Ministrisë së Jashtme të Iranit në një postim në Telegram.
“Gjatë këtyre takimeve, të dyja palët shkëmbyen pikëpamje mbi parimet e përbashkëta dhe mekanizmat operacionalë për menaxhimin e kalimit të sigurt të anijeve nëpër Ngushticën e Hormuzit, duke respektuar të drejtat sovrane të dy shteteve bregdetare”, tha Esmaeil Baghaei.
Ai tha se bisedimet ishin konstruktive dhe se ishte arritur përparim, shkruan CNN.
Ai shtoi se nuk ka pasur asnjë ndryshim në statusin e trafikut detar përmes Ngushticës së Hormuzit, duke bërë të ditur se delegacioni i Omanit është larguar, ndërsa konsultimet teknike dhe politike mes dy palëve po vazhdojnë.
