4 minuta më parëKu do ta shohë Trumpi finalen Spanjë-Argjentinë? - E zbulon Shtëpia e Bardhë
Periskopi(2 orë më parë)
(2 orë më parë)Presidenti i Shteteve të Bashkuara, Donald Trump, do të marrë pjesë në finalen e Kupës së Botës në futboll mes Argjentinës dhe Spanjës të dielën në stadiumin “New York-New Jersey”, tha të enjten sekretarja për shtyp e Shtëpisë së Bardhë, Karoline Leavitt.
“Ne mezi e presim lojën finale të dielën dhe e di se presidenti mezi pret që të marrë pjesë” – tha Leavitt para gazetarëve në një konferencë për shtyp, raporton agjencia e lajmeve “Reuters”.
“Pjesëmarrja e tij do ta përmbyllë atë që ka qenë Kupa e Botës më e shikuar, më e sigurt dhe më e suksesshme në historinë amerikane” – shtoi ajo.
Leavitt shtoi se nuk e di nëse Trumpi ka skuadër favorite në finale, por i inkurajoi gazetarët që ta pyesin.
“Jam e sigurt se ai do të ketë një përgjigje zbavitëse për ju” – tha ajo.
Presidenti amerikan do të marrë pjesë edhe në një organizim të FIFA-s në “Trump Tower” të premten në New York, bëri të ditur zëdhënësja e Shtëpisë së Bardhë.
