Argjentina nuk dorëzohet: përmbysje e jashtëzakonshme ndaj Egjiptit, prek çerekfinalet

Kampionët në fuqi ishin në disavantazh 2:0, por reaguan fuqishëm në pjesën e fundit të takimit. Nga minuta e 79-të e tutje, Argjentina shënoi tre gola, duke e kthyer krejtësisht rrjedhën e ndeshjes.

Lionel Messi, i cili më herët kishte humbur një penallti, u shpagua në minutën e 83-të duke shënuar golin e tij të tetë në këtë turne. Me këtë gol, ai doli në krye të garës për “Këpucën e Artë”, duke lënë pas Kylian Mbappén e Francës dhe Erling Haalandin e Norvegjisë, që kanë nga shtatë gola.

Messi ka shënuar të paktën një gol në të gjitha pesë ndeshjet e tij në këtë Botëror. Në fazën e grupeve, ai realizoi het-trik ndaj Algjerisë dhe dy gola ndaj Austrisë.

Goli vendimtar për Argjentinën erdhi pas një kundërsulmi. Lautaro Martínez dërgoi një harkim në zonë, ndërsa Enzo Fernández goditi me kokë nga qendra e zonës për ta kaluar Argjentinën në epërsi 3:2.

Me këtë fitore, Argjentina vazhdon rrugëtimin në Kupën e Botës, ndërsa Egjipti eliminohet pas një humbjeje të dhimbshme.