18 minuta më parëAksident i rëndë në Prishtinë, një grua goditet nga vetura
Periskopi(një orë më parë)
(një orë më parë)Një grua është goditur nga një veturë, në vendkalimin për këmbësorë te semaforët në qendër të Prishtinës, në zonën e njohur si “te Posta”.
Pas aksidentit, e lënduara është dërguar në Qendrën Klinike Universitare të Kosovës (QKUK), ku po i nënshtrohet ekzaminimeve mjekësore.
Drejtori i Klinikës Emergjente në QKUK, Naser Syla, ka konfirmuar për Klankosova.tv se pacientja është pranuar në trajtim dhe se gjendja e saj aktualisht është stabile.
“Jemi duke i kryer ekzaminimet e nevojshme. Aktualisht gjendja është stabile”, ka deklaruar Syla.
Rrethanat e aksidentit ende nuk janë bërë të ditura, ndërsa autoritetet pritet të japin më shumë detaje lidhur me rastin.
Poashtu është kontaktuar edhe Policia e Kosovës, mirëpo deri në publikimin e lajmit ende nuk ka marrë ndonjë konfirmim zyrtar.
