16 minuta më parëDortmund konfirmon mungesën e Adeyemit, transferimi te Barcelona drejt finalizimit
Periskopi(një orë më parë)
(një orë më parë)Borussia Dortmund ka konfirmuar se sulmuesi Karim Adeyemi nuk ka marrë pjesë në testet fizike të skuadrës, për shkak të negociatave për një transferim të mundshëm.
Klubi gjerman njoftoi përmes rrjeteve sociale se Adeyemi dhe talenti Kjell Watjen ishin të liruar nga testet mjekësore për shkak të bisedimeve me klube të tjera.
“Karim Adeyemi dhe Kjell Watjen mungojnë sot në diagnostikimin e performancës. Të dy lojtarët janë të liruar për shkak të negociatave me klube të tjera”, thuhet në komunikatën e Dortmundit.
Ky zhvillim shihet si një sinjal i fortë se marrëveshja për largimin e Adeyemit është shumë pranë. Dortmund ka pranuar që lojtari të mos marrë pjesë në përgatitjet para-sezonale, pasi negociatat kanë avancuar ndjeshëm.
Destinacioni i radhës për sulmuesin gjerman pritet të jetë FC Barcelona. Sipas raportimeve, marrëveshja personale mes Adeyemit dhe klubit katalanas është arritur disa javë më parë, ndërsa ka mbetur vetëm dakordimi final mes dy klubeve.
Barcelona ka përfituar nga dëshira e lojtarit për t’iu bashkuar skuadrës së Hansi Flick, por edhe nga fakti se kontrata e tij me Dortmundin skadon në verën e ardhshme.
Sipas gazetarit Fabrizio Romano, oferta e pranuar nga Borussia Dortmund kap vlerën e 22 milionë eurove fikse, ndërsa mund të shkojë deri në 29 milionë euro me bonuse.
Transferimi pritet të zyrtarizohet gjatë ditëve të ardhshme, duke i dhënë Barcelonës një përforcim të ri në repartin ofensiv.
