10 minuta më parëViktimat e aksidentit në Gjermani janë motra
Periskopi(një orë më parë)
(një orë më parë)Dy motrat, Erza dhe Aulona Zubaku nga Topanica e Kamenicës, kanë humbur jetën tragjikisht pas një aksidenti të rëndë që ndodhi të shtunën në Gjermani.
Familjarët kanë publikuar fotografi të të ndjerave, ndërsa dhimbja për humbjen e tyre është e papërshkrueshme.
“Herët na ikët, o engjëjt e axhës, Erza dhe Aulona. Allahu iu gradoftë me Xhenet. Me gëzim ju pritëm për pushim dhe për të shkuar në dasmën e Bardhit, por nuk paska qenë e shkruar. Do të na mungoni shumë”, thuhet në postimin prekës të një familjari të tyre.
Ndërkohë për rastin e rëndë, policia gjermane ka dhënë detaje.
Sipas autoriteteve gjermane, dy aksidente u raportuan në të njëjtin vend, ku i pari ndodhi pak pas orës 11:30 pranë zonës së pushimit Renchtal.
Po ashtu, pengesat e krijuara nga aksidenti i parë detyruan drejtuesit e automjeteve që po lëviznin pas tyre të frenonin papritur. Si pasojë, pranë nyjës së Appenweierit ndodhi një aksident tjetër i rëndë, ku u përfshinë pesë automjete./Periskopi
