13 minuta më parëElezi: KQZ pret përfundimin e ankesave para shpalljes së rezultateve përfundimtare
Periskopi(një orë më parë)
(një orë më parë)Komisioni Qendror i Zgjedhjeve (KQZ) është në pritje të përfundimit të procesit të shqyrtimit të ankesave nga institucionet kompetente para se të procedojë me shpalljen e rezultateve përfundimtare të zgjedhjeve të parakohshme për Kuvendin e Kosovës.
Zëdhënësi i KQZ-së, Valmir Elezi, tha për Ekonomia Online se shpallja e rezultateve varet nga përmbyllja e procedurave ankimore dhe vendimet që do të nxirren nga institucionet përkatëse, transmeton Periskopi.
“Komisioni Qendror i Zgjedhjeve është në pritje të përfundimit të shqyrtimit të ankesave dhe vendimmarrjen e institucioneve përkatëse para se të procedojë me shpalljen e rezultateve përfundimtare të zgjedhjeve të parakohshme për Kuvendin e Kosovës. Pas marrjes së këtyre vendimeve, mbetet të shihet nëse ato përmbajnë obligime konkrete për KQZ-në”, tha Elezi./Periskopi/
