Shërbimi Gjeologjik i SHBA’së thotë se numri i të vdekurve nga tërmeti në Venezuelë mund të jetë deri në 100,000

Sipas vlerësimit të tij, humbja më e mundshme e jetëve njerëzore është midis 10,000 dhe 100,000 personave, shkruan BBC, transmeton Gazeta Express.

Kjo nuk është një shifër e saktë e numrit të njerëzve që mund të kenë vdekur – numri real mund të jetë më i lartë ose më i ulët.

USGS publikon këtë vlerësim për të ndihmuar ekipet e emergjencës, agjencitë qeveritare dhe mediat të kuptojnë sa i rëndë mund të jetë kjo ngjarje dhe të shpërndajnë burimet në mënyrë sa më efektive.

Për të llogaritur këtë vlerësim, organizata përdor një sistem të quajtur PAGER.

Sistemi PAGER (Vlerësimi i Shpejtë i Tërmeteve Globale për Reagim Emergjent), i përdorur nga Shërbimi Gjeologjik i Shteteve të Bashkuara kombinon disa lloje informacioni:

Magnitudën e tërmetit – sa i fuqishëm ishte.

Thellësinë e tij – tërmetet më të cekëta zakonisht shkaktojnë më shumë dëme në sipërfaqe.

Vendndodhjen e epiqendrës – nëse është pranë zonave të banuara.

Dendësinë e popullsisë – sa njerëz jetojnë në zonat e prekura.

Llojin dhe cilësinë e ndërtesave – disa ndërtesa janë më rezistente ndaj tërmeteve se të tjerat.

Të dhënat historike nga tërmete të ngjashme në të kaluarën./ Periskopi/