8 minuta më parëShBA: 3-vjeçarja humb jetën nga morrat, prindërit lejuan që infeksioni t’i kthehet në anemi
Periskopi(një orë më parë)
(një orë më parë)Një vajzë e vogël trevjeçare humbi jetën në shtëpinë e familjes së saj në një zonë të varfër të shtetit të Nju Jorkut, pasi trupi i saj ishte infektuar rëndë nga morrat deri në atë masë sa zhvilloi anemi, u tha në gjykatë.
Joycelynn Dylewski u gjet duke luftuar për të marrë frymë në një apartament në Corinth, rreth një orë larg nga Albany, më 19 shkurt 2025, shkruan Daily Mail, transmeton Klankosova.tv.
Vogëlushja u dërgua me urgjencë në spital, ku më vonë vdiq. Vdekja e saj u klasifikua si vrasje (homicid) pasi mjeku ligjor zbuloi prova tronditëse që tregonin se ajo kishte qenë viktimë e neglizhencës së rëndë dhe të vazhdueshme.
Prindërit e saj, Matthew dhe Samantha Dylewski, pranuan fajësinë për vrasje nga neglizhenca kriminale në lidhje me vdekjen e vajzës së tyre më të vogël dhe këtë muaj u dënuan me dënimin maksimal, deri në katër vjet burg.
Sipas raportimeve, Joycelynn ishte prekur aq rëndë nga morrat sa kishte zhvilluar anemi, një gjendje që i dëmtoi zemrën dhe organet e tjera jetësore.
Mjeku ligjor zbuloi gjithashtu se në organizmin e saj kishte gjurmë të klonidinës (clonidine), një medikament që përdoret zakonisht për trajtimin e tensionit të lartë të gjakut.
Në kohën e vdekjes së Joycelynn, Samantha, 33 vjeçe, sugjeroi se vajza dhe vëllezërit apo motrat e saj kishin përgjegjësi për atë që ndodhi.
Sipas hetuesve, nëna deklaroi se Joycelynn “e kundërshtonte shumë” kur ajo përpiqej t’i aplikonte trajtim për morrat në lëkurën e kokës, duke lënë të kuptohej se fajin po ia atribuonte vajzës së saj tashmë të ndjerë.
