Skandal në Botëror? Lojtari i mori orën gjyqtarit, Turqia kërkoi përsëritjen e ndeshjes me Paraguain
11 minuta më parëPërleshje mes dy policëve brenda stacionit policor në Prishtinë, IPK-ja rekomandon suspendimin e tyre
Periskopi(një orë më parë)
(një orë më parë)Inspektorati Policor i Kosovës ka rekomanduar suspendimin e dy policëve, të cilët dyshohen se janë rrahur mes veti brenda stacionit policor në Prishtinë.
IPK-ja thekson se njëjtit janë të dyshuar për veprën penale “sulm”.
“Nga veprimet fillestare hetimore të ndërmarra nga Inspektorati Policor i Kosovës ekziston dyshimi se mbrëmë dy zyrtarë policorë gjatë ushtrimit të detyrës zyrtare brenda objektit të Stacionit Policor Jugu, janë përfshirë në një mosmarrëveshje me njëri tjetrin dhe se të njëjtit janë të dyshuar për veprën penale ‘Sulm’. Hetuesit e IPK-së janë në koordinim të vazhdueshëm me Prokurorinë Themelore në Prishtinë kurse rasti do të trajtohet në procedurë të rregullt”, thuhet në përgjigje.
IPK-ja ka rekomanduar Policisë së Kosovës suspendimin e dy zyrtarëve policorë të përfshirë si të dyshuar në këtë rast.
“Secili veprim i zyrtarëve policorë që mund të cenojë integritetin policor ose mund të ndikojë negativisht në profesionalizmin e Policisë së Kosovës do të trajtohet me seriozitet të plotë nga Inspektorati Policor i Kosovës”, thuhet më tej./Periskopi
