4 orë më parëKanadaja u kërkon disa qytetarëve të dorëzojnë certifikatat e shtetësisë, kjo është arsyeja
Periskopi(7 ditë më parë)
(7 ditë më parë)Disa persona që kanë marr dëshmi të shtetësisë kandaze në kuadër të legjislacionit të njohur si “Kanadezët e Humbur”, po përballen me kërkesa nga autoritetet për të dorëzuar certifikatat e tyre të shtetësisë.
Këtë e ka bërë të ditur avokati i imigracionit, Amandeep Hayer.
Hayer ka thënë se një nga klientët e tij mori një mesazh nga Imigracioni, Refugjatët dhe Shtetësia e Kanadasë të shtunën, ku thuhej se duhet të dorëzojnë certifikatën e tyre të shtetësisë, raporton ctvnews, transmeton Periskopi.
Mesazhi thotë se certifikata duhet të dorëzohet gjatë një hetimi sepse aplikimi nuk citonte prova të familjes kanadeze nga burime origjinale, siç janë statistikat jetësore, ose nuk shpjegonte pse nuk u ofruan dokumentet origjinale.
Hayer thotë se, bazuar në temat e Reddit mbi këtë temë, ai vlerëson se "të paktën disa qindra njerëz" kanë marrë letra të ngjashme.
The Canadian Press ka kontaktuar zyrën e Ministres së Imigracionit, Lena Diab, dhe IRCC për koment, por ende nuk ka marrë një përgjigje.
Ndryshimet e bëra vitin e kaluar hoqën disa kufizime se kush mund të aplikojë për shtetësi kanadeze bazuar në prejardhje./Periskopi
