Influencerja britanike akuzohet për vrasjen e partnerit në Dubai

Sipas saj dhe organizatës Detained in Dubai, ajo veproi në vetëmbrojtje pasi partneri ishte bërë gjithnjë e më i dhunshëm dhe kontrollues.

Brooke pretendon se ai e kishte sulmuar fizikisht, i kishte marrë pasaportën dhe e kishte penguar të largohej nga vendi.

Gjatë një konflikti në banesë, ajo thotë se përdori një thikë nga frika për jetën e saj.

Nëna e saj deklaroi se vajza ishte e tmerruar pas ngjarjes dhe kishte lëndime të dukshme në fytyrë.

Familja beson se ajo ishte viktimë e dhunës dhe jo autore e një krimi me paramendim, raporton Telegrafi, transmeton Periskopi.

Organizata që e mbështet ka ngritur shqetësime për trajtimin e saj nga autoritetet në Dubai, duke pretenduar se nuk i janë respektuar plotësisht të drejtat ligjore.

Ndërkohë, autoritetet britanike kanë konfirmuar se po i ofrojnë ndihmë konsullore Brooke dhe familjes së saj, teksa çështja vazhdon të hetohet./Periskopi/