19 minuta më parëHaziri sërish kërkon marrëveshje gjithëpërfshirëse: Skenari i ndarjes së përgjegjesive institicionale vjen në fund
Periskopi(një ditë më parë)
(një ditë më parë)Deputeti i Lidhjes Demokratike të Kosovës (LDK), Lutfi Haziri, ka theksuar se zgjidhja e krizës politike në vend kalon përmes një marrëveshjeje gjithëpërfshirëse ndërmjet forcave politike, duke e vendosur këtë si prioritet kryesor për funksionimin institucional të Republikës së Kosovës.
Haziri ka bërë të ditur se çdo opsion politik që synon stabilitet duhet të ketë në qendër një marrëveshje të gjerë politike, e cila përfshin programin zhvillimor dhe agjendën strategjike të shtetit, ndërsa ndarja e përgjegjësive institucionale, sipas tij, duhet të vijë si hap i fundit i procesit.
Ai ka nënvizuar se bashkëpunimi ndërpartiak dhe institucional është e vetmja rrugë për të thyer, siç u shpreh, “rrethin vicioz” të krizave politike dhe për të rikthyer stabilitetin në vend.
Haziri ka shtuar se Kosova ka nevojë për një agjendë të qartë dhe të harmonizuar, e cila garanton funksionim më të qëndrueshëm të institucioneve dhe forcim të rolit të saj si faktor stabiliteti në rajon.
