6 orë më parëHaradinaj uron ShBA-në për 251-vjetorin e ushtrisë amerikane: Mirënjohje për kontributin në çlirimin e Kosovës
Periskopi(9 ditë më parë)
(9 ditë më parë)Ish-kryetari i Aleancës, Ramush Haradinaj, ka uruar Shtetet e Bashkuara të Amerikës me rastin e 251-vjetorit të krijimit të ushtrisë amerikane.
Në një postim në Facebook, Haradinaj ka theksuar rolin vendimtar të ushtrisë amerikane dhe NATO-s në çlirimin e Kosovës.
“Në këtë ditë historike për Shtetet e Bashkuara të Amerikës dhe ushtrinë e saj, uroj përzemërsisht popullin amerikan dhe përfaqësuesit e institucioneve mbrojtëse të SHBA-së, me rastin e 251-vjetorit të krijimit të ushtrisë amerikane. Të drejtën për të jetuar të lirë e kemi arritur falë ndihmës në kohën vendimtare të Ushtrisë Amerikane dhe NATO, të cilët e shpëtuan popullin tonë nga tragjedia dhe spastrimi etnik. Kosova do të dijë ta ruajë dhe forcojë partneritetin me NATO-n, veçmas me SHBA-të. Populli ynë mbetet përjetësisht mirënjohës për kontributin e madh që ushtria dhe populli amerikan kanë dhënë dhe vazhdojnë të japin për Kosovën”, shkroi Haradinaj.
