9 minuta më parëHapet shtëpia e përhershme e Ambasadës së Kosovës në Londër
Periskopi(2 orë më parë)
(2 orë më parë)Republika e Kosovës ka shënuar sot një moment të rëndësishëm diplomatik në Mbretërinë e Bashkuar me hapjen e shtëpisë së përhershme të Ambasadës së Republikës së Kosovës në Londër.
Përmes një njoftimi zyrtar, Ambasada e Kosovës në Londër e cilësoi këtë si një ditë të veçantë për shtetin e Kosovës, duke theksuar se hapja e selisë së re pasqyron forcimin e vazhdueshëm të marrëdhënieve ndërmjet Kosovës dhe Mbretërisë së Bashkuar, si dhe përkushtimin për përfaqësimin dinjitoz të shtetit të Kosovës.
Selia e re e Ambasadës ndodhet në adresën “9 Orme Court, London W2 4LR”, dhe pritet të shërbejë si një qendër e rëndësishme për avancimin e bashkëpunimit dypalësh.
“Kjo ambasadë do të shërbejë si një urë edhe më e fortë bashkëpunimi, miqësie dhe partneriteti ndërmjet dy vendeve tona”, thuhet në njoftimin e Ambasadës.
Në fund të njoftimit, Ambasada ka uruar Kosovën për këtë arritje, duke shprehur besimin për suksese të mëtejshme në këtë kapitull të ri të diplomacisë kosovare.
