6 orë më parëBordi i Paqes: Ambasadorja e Kosovës inspekton bazën e FNS-së
Periskopi(5 ditë më parë)
(5 ditë më parë)Punimet për ngritjen e bazës logjistike “Endurance”, e cila pritet të luajë një rol të rëndësishëm në operacionet humanitare dhe të rimëkëmbjes, po vazhdojnë me intensitet. Ecurinë e projektit e ka inspektuar nga afër ambasadorja e Kosovës në Izrael, Ines Demiri.
Lajmi është bërë i ditur nga Bordi i Paqes përmes një njoftimi të publikuar në platformën “X”, ku thuhet se baza e mbështetjes logjistike do të shërbejë si një qendër kyçe për Forcën Ndërkombëtare Stabilizuese (ISF), transmeton Periskopi.
Sipas njoftimit, objekti do të përdoret për furnizim, mirëmbajtje dhe riorganizim të forcave gjatë angazhimit të tyre në mbështetje të përpjekjeve për rimëkëmbje dhe ndihmë humanitare.
“Ambasadorja e Kosovës, Ines Demiri, inspektoi ecurinë e punimeve në Bazën e Mbështetjes Logjistike ‘Endurance’, e cila do të shërbejë si një pikë kyçe për ISF-në për furnizim, mirëmbajtje dhe riorganizim gjatë mbështetjes së përpjekjeve për rimëkëmbje dhe ndihmë humanitare”, thuhet në njoftimin e Bordit të Paqes.
Bordi nuk ka bërë të ditura detaje shtesë lidhur me afatet e përfundimit të projektit apo kapacitetet e plota të bazës./ Periskopi/
