7 minuta më parëAvdullah Hoti reagon pas sinjaleve të Lutfi Hazirit për bashkëpunim me VV: S’do të ketë eksperimente, LDK s’është pronë e askujt
Periskopi(4 ditë më parë)
(4 ditë më parë)Nënkryetari i LDK-së, Lutfi Haziri, foli në emisionin Pressing në T7, për “marrëveshje pako”, për siç tha “për stabilitet e normalitet të vendit”, duke dhënë sinjale për bashkëpunim me VV-në.
Ndërsa ka reaguar Avdullah Hoti, duke thënë se “eksperimente me LDK-në nuk do të ketë”.
Ai shton se “LDK nuk është pronë e askujt dhe nuk mund të jetë peng i interesave personale. LDK është më e madhe se secili individ, është një mision politik dhe historik”.
Reagimi i tij i plotë:
Eksperimente me LDK-në dhe me të ardhmen e saj nuk do të ketë.
Rezultati ka dhënë një mesazh të qartë: LDK duhet të rikthehet fuqishëm te elektorati i saj tradicional, te vlerat e saj dhe te vizioni që e ka ndërtuar këtë parti. Duhet të luftojmë çdo mentalitet që dobëson aleancat tona historike dhe cenon rrugën euroatlantike të Kosovës.
LDK nuk është pronë e askujt dhe nuk mund të jetë peng i interesave personale. LDK është më e madhe se secili individ, është një mision politik dhe historik./ Periskopi/
