21 minuta më parëProtesta për pronat edhe në Kakome të Shqipërisë, shembet një rrethim 22-vjeçar
Periskopi(5 orë më parë)
(5 orë më parë)Dhjetëra banorë të Nivicës dhe Shën Vasilit, pronarë tokash në zonën e Kakomesë, emigrantë të kthyer nga qytete të ndryshme të vendit, si dhe qytetarë të shumtë, kanë zhvilluar këtë të diel një protestë në gjirin e Kakomesë, duke kundërshtuar bllokimin e aksesit në plazh dhe në pronat e tyre prej më shumë se dy dekadash.
Nga pamjet e publikuara tregohen momentet kur protestuesit rrëzojnë kontenierë e mur rrethues e vendosur në hyrje të zonës, që sipas tyre, kanë penguar lëvizjen e lirë drejt plazhit dhe tokave private për 22 vite me radhë.
Ndërkohë në videon e shperndarë nga aktivisti Edison Leka shihen qytetarë të shumtë që brohorasin ndërsa largojnë pengesat fizike që kishin izoluar një nga zonat më të njohura bregdetare të Jugut.
Sipas banorëve, rrethimi i zonës është mbajtur për vite me radhë nga kompania “Riviera”, në pronësi të biznesmenit Luan Leka.
Protestuesit pretendojnë se kjo kompani ka kufizuar aksesin në plazh dhe në pronat e trashëguara të banorëve, duke krijuar një situatë që ata e cilësojnë të papranueshme dhe në kundërshtim me interesin publik.
Gjatë protestës, pjesëmarrësit deklaruan se kanë paralajmëruar prej kohësh se do të ndërmerrnin veprime konkrete nëse situata nuk do të merrte zgjidhje.
Ata akuzojnë se për vite me radhë kërkesat e tyre për hapjen e rrugëve të kalimit dhe rikthimin e aksesit të lirë në Kakome nuk janë dëgjuar nga institucionet përgjegjëse./Periskopi/
