2 minuta më parë16-shi i LDK, Visar Azemi: Projekti i gazit amerikan do të jetësohet në Ferizaj, afër Bondsteelit
Periskopi(një orë më parë)
(një orë më parë)Kandidati i LDK-së për deputet, Visar Azemi, ka theksuar rëndësinë e partneritetit të Kosovës me Shtetet e Bashkuara të Amerikës, duke vlerësuar se Ferizaj dhe Kosova kanë përfituar vazhdimisht nga mbështetja amerikane, që nga ndërhyrja ushtarake e deri te përkrahja për shtetndërtimin e vendit.
Sipas tij, krahas rolit të SHBA-ve në siguri, Kosovës i nevojiten edhe investime amerikane që do të ndikojnë në zhvillimin ekonomik dhe krijimin e vendeve të reja të punës.
Azemi ka bërë të ditur se Lidhja Demokratike e Kosovës është e përkushtuar për realizimin e projektit të gazit amerikan, të cilin e ka cilësuar si projekt zhvillimor, ekonomik dhe strategjik për vendin. Ai ka thënë se ky projekt do të kontribuojë në uljen e varësisë nga importi, zhvillimin e industrisë dhe forcimin e sigurisë kombëtare, ndërsa ka shtuar se terminali i gazit do të ndërtohet në Ferizaj, pranë Kampit Bondsteel.
Postimi i plotë:
Ferizaji gjithmonë ia ka pa hajrin Amerikës.
Nga ushtarët amerikanë që na dolën në ndihmë në ditët më të vështira, deri te mbështetja e vazhdueshme për shtetndërtimin e Kosovës, aleanca me SHBA-të ka qenë gjithmonë aleanca me zhvillimin, sigurinë dhe të ardhmen.
Sot, përveç ushtrisë amerikane, Kosovës i duhen edhe investime amerikane.
Prandaj projekti i gazit amerikan nuk është vetëm projekt energjetik. Është projekt zhvillimor, ekonomik dhe strategjik për vendin tonë. Është mundësi për me ul varësinë nga importi, me kriju vende pune, me sjellë industri të re dhe me forcu sigurinë kombëtare të Kosovës.
Ky është zotim i Lidhjes Demokratike të Kosovës.
Gazi amerikan do të vijë në Kosovë dhe ky projekt zhvillimor do të jetësohet në Ferizaj, afër Kampit Bondsteel.
Vota për LDK-në është votë për Amerikën në Kosovë.
Sepse rruga e zhvillimit të Kosovës është rruga e partneritetit me Shtetet e Bashkuara të Amerikës.
