Pas breshërit, shiu vërshon qytetin e Ferizajt (Foto)

Pas breshërit të furishëm që mbuloi Ferizajn këtë pasdite, tash kanë filluar edhe reshjet e shiut.

Reshjet kanë bërë që shumë pjesë të këtij qyteti të vërshohen nga uji e banorët po kanë vështirësi qarkullimi.

Sipas fotografive të siguruara nga Koha.net, shihet se shiu ka mbushur oborret e shtëpive gjë që ka vështirësuar, për të mos thënë pamundësuar, lëvizjen e qytetarëve.

Edhe rrugët e qytetit janë mbushur me ujë dhe kanalizimi nuk po arrin të thith gjithë atë sasi uji.

Është ende herët të flitet për dëmet që ka shkaktuar breshri i sotëm në rajonin e Ferizajt, por konsiderohet të jetë goxha i madh, sidomos për kulturat bujqësore.