3 minuta më parëVoziti i dehur në shiritin e kundërt, arrestohet shoferi për aksidentin fatal në Studime
Periskopi(44 minuta më parë)
(44 minuta më parë)Prokuroria Themelore në Mitrovicë ka ndaluar një person të dyshuar për aksidentin me fatalitet që ndodhi mëngjesin e sotëm në magjistralen Mitrovicë–Prishtinë, në fshatin Studime.
Sipas Prokurorisë, i dyshuari dyshohet se ka qenë duke drejtuar automjetin në gjendje të dehur dhe ka hyrë në shiritin e kundërt të rrugës, ku më pas është përplasur me një veturë tjetër.
Si pasojë e aksidentit, një grua ka humbur jetën, ndërsa drejtuesi i automjetit dhe tre pasagjerë kanë pësuar lëndime serioze dhe janë dërguar për trajtim në Qendrën Klinike Universitare të Kosovës.
Në vendin e ngjarjes ka dalë prokurori kujdestar për Krime të Rënda i Prokurorisë Themelore në Mitrovicë, ndërsa me urdhër të prokurorisë trupi i pajetë i viktimës është dërguar në Institutin e Mjekësisë Ligjore për autopsi.
Prokuroria ka njoftuar se brenda afatit ligjor do të paraqesë kërkesë për caktimin e masës së paraburgimit ndaj personit të ndaluar.
