3 orë më parëRubio: Irani po e përdor Hormuzin si mjet presioni, vendet e tjera duhet të bëjnë më shumë
Periskopi(18 orë më parë)
(18 orë më parë)Sekretari amerikan i Shtetit, Marco Rubio, akuzoi Iranin se po përpiqet të përdorë Ngushticën e Hormuzit si mjet presioni ndaj komunitetit ndërkombëtar, ndërsa u bëri thirrje aleatëve të SHBA-së të rrisin kontributin për mbrojtjen e transportit detar global.
“Është e qartë se Irani, ose të paktën një pjesë e tij, dëshiron të kontrollojë Ngushticën dhe ta përdorë atë si levë kundër botës. Shtetet e Bashkuara po bëjnë dhe do të vazhdojnë të bëjnë atë që është e nevojshme për të mbrojtur transportin detar global, por vendet e tjera duhet të fillojnë të bëjnë më shumë dhe të sigurojnë mjetet ose burimet financiare për të kontribuar në këtë barrë”, deklaroi Rubio.
Shefi i diplomacisë amerikane i bëri këto komente përpara nisjes së tij drejt Filipineve, ku do të marrë pjesë në takimin e ministrave të Jashtëm të Shoqatës së Kombeve të Azisë Juglindore (ASEAN). Ai theksoi se mbrojtja e një prej rrugëve më të rëndësishme të tregtisë botërore nuk duhet të mbetet vetëm përgjegjësi e Shteteve të Bashkuara./Periskopi/
