Ndalohet për 48 orë shoferi që shkaktoi aksidentin ku dy persona humbën jetën në Istog

Sipas Policisë së Kosovës, aksidenti ka ndodhur më 20 korrik 2026, rreth orës 15:20, ku u përfshinë dy vetura me targa vendore.

Një person ka vdekur në vendin e ngjarjes, ndërsa viktima e dytë ka ndërruar jetë pasi është dërguar në Emergjencën e Spitalit Rajonal në Pejë.

Tre persona të tjerë kanë mbetur të lënduar dhe po trajtohen në spital.

Me urdhër të prokurorit të Shtetit, i dyshuari është ndaluar për 48 orë, ndërsa rasti po hetohet nga hetuesit e aksidenteve të trafikut.

Njoftimi i plotë:

Ju informojmë se me datën 20 korrik 2026, rreth orës 15:20, Policia është informuar për një aksident trafiku i cili ka ndodhur në fshatin Shushicё-Istog.

Nё vendin e ngjarjes kanё dalё njёsitet kompetente tё Njësitit Rajonal tё Komunikacionit Rrugor.

Nё kёtё aksident ishin tё përfshira dy vetura me targa vendore, si pasojё e aksidentit,

nё vendin e ngjarjёs ka vdekur njё person, kёtё e ka konstatuar ekipi mjekёsor, ndёrsa viktima e dytё e kёtij rasti, ka arritur pa shenja jete nё emergjencёn e spitalit rajonal nё Pejё, tre persona e lënduar nё kёtё aksident janё duke u trajtuar nё spitalin rajonal nё Pejё.

Me urdhër të prokurorit të Shtetit, i cili po ashtu ishte në vendin e ngjarjes trupat e pajetё tё viktimave dërgohen në Institutin e Mjekësisë Ligjore në Prishtinë, për obduksion, ndërsa i dyshuari ndalohet pёr 48- orё, rasti ёshtё duke u hetuar nga hetuesit e aksidenteve.