disa sekonda më parëDeponia në Sferkë përfshihet sërish nga zjarri, helmohen disa protestues
Periskopi(11 orë më parë)
(11 orë më parë)Deponia në Sferkë të Pejës është përfshirë sërish nga flakët.
Ekipet e Emergjencës së Pejës kanë intervenuar pasi disa prej protestuesve dyshohet se u është vështirësuar frymëmarrja nga tymi që po del nga zjarri në deponinë e mbeturinave në fshatin Sverkë.
Banorët e disa fshatrave të zonës janë duke protestuar edhe në këto momente në afërsi të deponisë.
Kujtojmë se banorët e fshatrave të Pejës dhe Klinës kanë protestuar për zjarrin në deponinë e Sferkës, problem me të cilin thonë se përballen prej më shumë se dy dekadash.
Ata kanë shprehur shqetësimin për tymin dhe aromën e rëndë, duke deklaruar se ndotja ua ka vështirësuar jetën e përditshme dhe qëndrimin në shtëpitë e tyre.
