disa sekonda më parëProkuroria Speciale njofton se ka urdhëruar ndalimin e dy serbëve të dyshuar për krime lufte në Kosovë
Periskopi(një orë më parë)
(një orë më parë)Prokuroria Speciale ka ndaluar të martën dy të dyshuar për krime lufte në rajonin e Mitrovicës.
Të dyshuarit janë persona të nacionalitetit serb, njoftoi Policia e Kosovës në një njoftim të ndarë për media.
Ndërsa, Prokuroria tha se të ndaluarit dyshohen për kryerjen e veprës penale ‘Krime lufte kundër popullsisë civile’.
“Me urdhër të Prokurorisë Speciale të Republikës së Kosovës, Policia e Kosovës, ka ndaluar dy persona të dyshuar për kryerjen e veprës penale ‘Krime lufte kundër popullsisë civile’, të sanksionuar me nenin 142, lidhur me nenin 22 të të Kodit Penal të Republikës Socialiste Federative të Jugosllavisë (RSFJ)”, thuhet në njoftimin e Prokurorisë Speciale.
“Sipas dyshimeve, M.J dhe M.B. gjatë periudhës së luftës, respektivisht gjatë vitit 1999, dyshohet se kanë kryer krime ndaj popullsisë civile, në rajonin e Mitrovicës”, sipas Prokurorisë.
Prokuroria tha se hetimet për zbardhjen e plotë të rastit vazhdojnë.
