Maroku vazhdon ëndrrën në Kupën e Botës 2026, triumfon ndaj Kanadasë

Heroi i ndeshjes ishte Azzedine Ounahi, i cili realizoi të dy gola në këtë takim dhe udhëhoqi “Luanët e Atlasit” drejt një suksesi plotësisht të merituar. Mesfushori zhvilloi një paraqitje të shkëlqyer, duke qenë vendimtar në momentet kyçe të sfidës.

Maroku dominoi për pjesën më të madhe të takimit, duke treguar qetësi në qarkullimin e topit, organizim të lartë dhe efikasitet në fazën sulmuese. Nga ana tjetër, Kanadaja pati momentet e saj, por nuk arriti të konkretizojë rastet e krijuara.

Megjithatë, fitorja u shoqërua edhe me një lajm jo të mirë për marokenët. Ismael Saibari u detyrua të largohej nga fusha në minutën e 22-të për shkak të një dëmtimi, duke ngritur shqetësime për gjendjen e tij.

Me këtë fitore 3-0, Maroku konfirmon edhe një herë se është një nga kombëtaret më të forta të këtij Botërori dhe vazhdon të mbajë gjallë ëndrrën për një tjetër sukses historik./Periskopi/