3 minuta më parëUran Ismaili: Albin Kurti e varfëroi popullin, e sulmoi UÇK-në dhe i përçmoi aleatët, kjo merr fund me 7 qershor! (VIDEO)
Periskopi(një orë më parë)
(një orë më parë)Nënkryetari i Partisë Demokratike të Kosovës dhe kandidati për deputet, Uran Ismaili, përmes një videoje të ndarë në rrjetet sociale, drejtuar qytetarëve ka thënë se zgjedhjet e 7 qershorit janë ndër më të rëndësishmet prej çlirimit të Kosovës.
Ismaili tha se tri shtyllat mbi të cilat është ndërtuar Kosova, UÇK-ja, populli dhe aleancat ndërkombëtare, janë cenuar nga qeverisja aktuale. “Udhëheqësit e UÇK-së quhen zullumqarë, populli lihet në varfëri, ndërsa aleatët herë quhen naivë e herë të rrezikshëm”, ka thënë Ismaili. Sipas tij, Kosova nuk mund të vazhdojë me propagandë, përçarje dhe krizë të përhershme, por ka nevojë për një qeveri që punon për qytetarin. “Zgjedhjet e 7 qershorit nuk janë vetëm për ta ndryshuar qeverinë. Janë zgjedhje për qytetarët e zakonshëm të këtij vendi, që duan politikanë normalë dhe shtet që punon për ta”, ka thënë ai. Në fund, Ismaili ka bërë thirrje që më 7 qershor të votohet PDK-ja dhe Bedri Hamza për kryeministër. “Bashkë e kemi bërë Kosovën, bashkë do ta stopojmë krizën dhe bashkë do ta ndryshojmë Kosovën”, ka thënë Ismaili./ Periskopi/
