4 minuta më parëTeherani bllokon Hormuzin, SHBA kundërshton: Trafiku detar vijon normalisht
Periskopi(10 orë më parë)
(10 orë më parë)Autoritetet iraniane kanë deklaruar se Ngushtica e Hormuzit mbetet e mbyllur për lundrimin detar, duke sfiduar drejtpërdrejt qëndrimin e Shteteve të Bashkuara se trafiku në këtë korridor strategjik vazhdon normalisht.
Sipas medias shtetërore iraniane Fars, Marina e Gardës Revolucionare ka njoftuar se nuk do të lëshojë leje për asnjë anije që të kalojë përmes ngushticës deri në një njoftim të dytë.
Deklarata vjen një ditë pasi Irani pretendoi se kishte mbyllur Ngushticën e Hormuzit në përgjigje të sulmeve izraelite në Liban, raporton TCh, transmeton Periskopi.
Megjithatë, ushtria amerikane kundërshtoi menjëherë këtë pretendim, duke bërë të ditur se anijet tregtare vazhdonin aktivitetin në zonë dhe se lëvizja detare nuk ishte ndërprerë.
Ngushtica e Hormuzit konsiderohet një nga rrugët më të rëndësishme detare në botë për transportin e naftës dhe gazit, ndaj çdo zhvillim që prek funksionimin e saj ndiqet me shqetësim nga tregjet ndërkombëtare dhe fuqitë globale.
Situata po monitorohet nga afër, ndërsa tensionet mes Iranit, Izraelit dhe aleatëve perëndimorë vijojnë të mbeten të larta, pavarësisht përpjekjeve diplomatike për uljen e krizës në rajon./Periskopi
