4 orë më parëNorvegjia dhe Franca për vendin e parë, Senegali e Iraku luajnë për shpresën e fundit
Periskopi(9 orë më parë)
(9 orë më parë)Faza e grupeve në Kupën e Botës 2026 vazhdon sonte me dy përballje vendimtare të Grupit I, ku vëmendja kryesore do të jetë te dueli mes Norvegjisë dhe Francës, ndërsa në ndeshjen tjetër Senegali përballet me Irakun.
Norvegjia dhe Franca kanë siguruar tashmë kualifikimin në fazën e 1/16 së finales, por përballja e tyre do të përcaktojë fituesin e grupit. Francës i mjafton një barazim për të ruajtur vendin e parë falë golavarazhit më të mirë, ndërsa norvegjezët synojnë fitoren për ta mbyllur grupin në krye. Ndeshja pritet të sjellë përballjen e shumëpritur mes dy yjeve të mëdhenj, Erling Haaland dhe Kylian Mbappe.
Në kampin norvegjez, trajneri Ståle Solbakken ka lënë të kuptohet se mund të bëjë rotacione për të ruajtur freskinë e skuadrës për fazën me eliminim direkt, ndërsa Franca do të jetë pa trajnerin Didier Deschamps në stol, pasi ai është larguar për arsye familjare.
Ndërkohë, Senegali dhe Iraku zbresin në fushë me objektivin për ta mbyllur turneun me fitore. Senegalezët, të cilët u mposhtën nga Franca dhe Norvegjia në dy ndeshjet e para, e kanë cilësuar këtë sfidë si “një finale”, ndërsa trajneri Pape Bouna Thiaw ka kërkuar reagim nga skuadra e tij pas zhgënjimeve të deritanishme.
Të dyja ndeshjet nisin sonte në orën 21:00 sipas kohës sonë.
