6 minuta më parëMourinho ka intervenuar personalisht, për ta bllokuar largimin e yllit të Realit
Periskopi(një ditë më parë)
(një ditë më parë)Real Madridi ka qenë shumë aktiv në merkato që nga emërimi i Jose Mourinhos si trajner për sezonin e ardhshëm, me synimin për t’i dhënë fund thatësirës dyvjeçare pa trofe të mëdhenj.
“Los Blancos” kanë parë Barcelonën të fitojë La Ligën për dy vite radhazi, ndërsa vetë nuk kanë qenë pranë titujve në Ligën e Kampionëve apo Kupën e Mbretit që nga triumfi i dyfishtë në vitin 2024.
Mourinho ka nisur rindërtimin e skuadrës duke u fokusuar kryesisht në mbrojtje, me transferimin e Ibrahima Konatés pas skadimit të kontratës së tij me Liverpoolin, si dhe afrimin e Marc Cucurellas nga Chelsea.
Ndërkohë, trajneri portugez ka ndërhyrë personalisht edhe për të ndalur largimin e një lojtari të ri ofensiv, Gonzalo Garcías.
Sulmuesi 22-vjeçar zhvilloi 39 paraqitje sezonin e kaluar me Real Madridin, duke shënuar 8 gola dhe dhënë 3 asistime në të gjitha garat, nën drejtimin e Xabi Alonsos dhe Álvaro Arbeloas.
Fillimisht ishte menduar se García do të largohej këtë verë për të gjetur më shumë hapësirë, por sipas raportimeve të gazetarit Matteo Moretto dhe “Marca”, Mourinho dëshiron ta vlerësojë vetë para se të marrë një vendim përfundimtar.
García mund të luajë në disa pozicione të sulmit, por roli i tij kryesor është ai i sulmuesit qendror, çka e vendos atë në konkurrencë direkte me Kylian Mbappén për një vend titullari.
22-vjeçari gjithashtu ka parë ish-shokun e tij të akademisë, Victor Muñoz, të largohet drejt Liverpoolit këtë verë.
Muñozi fillimisht u transferua tek Osasuna për të fituar më shumë minuta, dhe ky hap i hapi rrugën për një kalim në Premierligë dhe një vend në përfaqësuesen e Spanjës për Kupën e Botës.
Kjo do të thotë se García mund të kishte ndjekur një rrugë të ngjashme, por vendimi i Mourinhos sugjeron një plan tjetër: ta mbajë në Madrid dhe ndoshta ta shndërrojë në një pjesë më të rëndësishme të skuadrës./GazetaExpress/
