Kandidati për president të Real Madridit, Enrique Riquelme jep sinjale se do të tentoj të sjellë Jurgen Kloppin si trajner të ekipit

Pasi deklaroi në El Hormiguero se, nëse ai do të ishte president, Haaland dhe Rodri do të vishnin fanellën e bardhë, një pretendim i mohuar shpejt nga mjedisi i sulmuesit të Manchester Cityt, biznesmeni i Alicante la të kuptohej se ka një tjetër "bombë" gati për madrilienet.

Njoftimi i trajnerit kryesor

Riquelme shpjegoi se njoftimi ka të bëjë me "atë që të gjithë duan të drejtojë Real Madridin". Fraza, e mbushur me pritje, hapi një sërë spekulimesh rreth kandidatëve. Ndër emrat që kanë qarkulluar janë Cesc Fàbregas dhe Mikel Arteta, por ai që ka fituar më shumë vrull që nga fillimi i sezonit është Jürgen Klopp.

Historia e Klopit dhe Real Madridit, raporton beinsports.com, transmeton Periskopi.

Gjermani, drejtori aktual i futbollit te Red Bull, është lidhur me klubin e bardhë në disa raste, megjithëse mbërritja e tij nuk është realizuar kurrë. Sipas burimeve të ndryshme, Riquelme ka zhvilluar takime si me Klopp ashtu edhe me drejtuesit e Red Bull për të shqyrtuar mundësinë që ish-trajneri i Liverpoolit të zbresë në Santiago Bernabéu nëse fiton zgjedhjet. Megjithatë, ka dyshime në lidhje me gatishmërinë e trajnerit. Disa zëra pohojnë se Klopp nuk ka ndërmend të kthehet në stolin e një klubi dhe se qëllimi i tij do të ishte të priste rezultatin e Kupës së Botës të kësaj vere për t'u bërë trajner i Gjermanisë.