Fitim Havolli: Llapashtica është simbol i qëndresës dhe krenarisë kombëtare

Havolli pëmes një postimi në rrjetin social Facebook Llapashticën e cilësuar vend si simbol të qëndresës, krenarisë kombëtare dhe sakrificës për lirinë e Kosovës, raporton Periskopi.

“Sonte nuk po flas vetëm si kandidat për deputet. Po flas si biri i kësaj toke, i rritur me vlerat e sakrificës, besës dhe dashurisë për Kosovën.Llapashtica nuk është thjesht një fshat. Është simbol i qëndresës, i krenarisë kombëtare dhe i njerëzve që kurrë nuk u përkulën para sfidave. Nga kjo tokë dolën burra e gra që dhanë gjithçka për lirinë që e gëzojmë sot.Prandaj, më 7 qershor, nuk kërkoj vetëm një votë për mua. Kërkoj besimin tuaj për të qenë zëri i secilit qytetar të ndershëm, i secilit të ri që ëndërron të ndërtojë jetën në Kosovë, i secilës nënë që sakrifikon për familjen dhe i secilit pensionist që meriton dinjitet”, ka shkruar ai.

Havolli iu ka bërë thirrje qytetarëve që më 7 qershor t’i japin besimin për t’i përfaqësuar në Kuvend, duke premtuar se do të jetë zëri i të rinjve, familjeve dhe pensionistëve që kërkojnë më shumë dinjitet dhe mundësi në Kosovë.

“Unë ju premtoj se nuk do të jem deputet vetëm në ditën e zgjedhjeve. Do të jem pranë jush çdo ditë, me guximin për të folur, me ndershmërinë për të vepruar dhe me përgjegjësinë për t’ju përfaqësuar me dinjitet. Më 7 qershor, le të ngrihet fuqishëm zëri i Llapashticës! Le t’i tregojmë Kosovës se njerëzit e kësaj ane nuk shiten, nuk frikësohen dhe nuk harrojnë. Le të rreshtohemi fuqishëm pas Lidhjes Demokratike të Kosovës dhe vizionit për një Kosovë të zhvilluar, demokratike dhe europiane”, ka shkruar ai./Periskopi/

Postimi i plotë: