një minutë më parëArdian Gjini me mesazh: Votoni për ata që dijnë t’i realizojnë ato që i premtojnë para jush
Periskopi(2 orë më parë)
(2 orë më parë)Kandidati për kryeministër nga Aleanca, Ardian Gjini, ka publikuar një videomesazh në profilin e tij zyrtar në Facebook, duke u bërë thirrje qytetarëve që të dielën të dalin masivisht në votime dhe të mbështesin ata që dinë t’i realizojnë premtimet që japin para qytetarëve.
Gjini tha se gjatë gjithë fushatës, bashkë me kolegët e tij në Aleancë, kanë folur për rrugën që i duhet Kosovës dhe drejtimin që duhet ta ndjekë vendi.
“Bashkë me kolegët e mi në Aleancë, gjatë gjithë kësaj fushate kemi folur për rrugën që i duhet Kosovës. Të dielën, dilni sa më shumë dhe votoni, për atë që e di rrugën për me mbërri te ato që i premtojnë para jush”, shprehet Gjini në videomesazh.
Ai theksoi se Aleanca e ka dëshmuar vizionin dhe rrugën që duhet ndjekur për zhvillimin e vendit, duke kërkuar mbështetje për listën 128 në zgjedhjet e së dielës.
“Ne e kemi treguar këtë rrugë, rrugën që duhet me e ndjekë Kosova”, përfundon mesazhi i Gjinit.
