6 minuta më parëAbdixhiku me akuza të forta ndaj Gazmend Muhaxhirit: I mbulova marret kur fliste për Millosheviqin, kam hyrë në zjarr për të
Periskopi(një orë më parë)
(një orë më parë)Kryetari i Lidhjes Demokratike të Kosovës, Lumir Abdixhiku, u është përgjigjur ashpër zërave kritikë brenda partisë, në veçanti nënkryetarit Gazmend Muhaxhiri dhe kryetarit të Lipjanit, Imri Ahmeti, të cilët pas rezultateve të fundit zgjedhore kërkuan dorëheqjen e tij.
Abdixhiku i ka cilësuar këto reagime si “bajate” dhe “atipike për LDK-në”, duke shpërthyer me akuza të rënda drejtuar Muhaxhirit për deklaratat e tij të kaluara dhe marrëveshjet e fshehta politike, transmeton Periskopi.
“S’mund të kem fjalë të këqija për asnjërin prej tyre, unë i kam mbrojtur kur kanë bërë gafat më të mëdha në këtë studio. Kur kanë folur për Millosheviqin kam dalë e kam folur se si kanë ngrënë njerëzit burg, e neve na ka kushtuar me votë atje. U desh t’u mbyllja marret e tyre, kam hyrë në zjarr për ta“, ka deklaruar i revoltuar Abdixhiku.
I pyetur specifikisht nga moderatori nëse po i cilëson si gafa qëndrimet e zotëri Muhaxhirit, kryetari i LDK-së nuk ka ngurruar ta pohojë, duke nxjerrë në dritë edhe prapaskenat e zgjedhjeve lokale.
“Natyrisht. Edhe kur kanë bërë marrëveshje politike për koalicionet e tyre lokale për t’i fituar zgjedhjet e komunave, marrëveshje që s’kanë dashur as t’i bëjnë publike… po lëri këto çështje”, shtoi ai në Rubikon të Klan Kosovës.
