2 ditë më parëA po ju tradhton partneri? Këto emoji të zakonshme mund të jenë prova që fsheh telefoni i tij/saj
Periskopi(një vit më parë)
(një vit më parë)Hetuesi privat britanik Paul Jones nga agjencia ARF Private Investigatives ka ndarë me gazetën The Sun disa të dhëna shqetësuese që mund të zbulohen në telefonin e partnerit tuaj – sinjale të qarta që ai ose ajo mund të mos jetë besnik. Sipas Jones, nëse ndiheni të tunduar të kontrolloni bisedat e partnerit në aplikacione […]
Sipas Jones, nëse ndiheni të tunduar të kontrolloni bisedat e partnerit në aplikacione si WhatsApp apo Snapchat – të njohura për përdorim nga tradhtarët – kushtojini vëmendje emojive të përsëritura që në pamje të parë duken të pafajshme. Pikërisht ato mund të jenë sinjale të koduara të një lidhjeje të fshehtë.
Emojit si kroasani apo dryni mund të jenë më shumë se thjesht zbukurime në mesazhe.
“Në dukje të pafajshme, por shpesh me domethënie të thellë. Kroasani përdoret për të sugjeruar një takim për mëngjes, ndërsa emoji i drynit ose i shkronjës mund të nënkuptojë ‘më shkruaj kur të jesh i lirë’,” shpjegon Jones për The Sun.
Ai thekson se përdorimi i rastësishëm i këtyre emojive nuk është domosdoshmërisht arsye për shqetësim. Megjithatë, nëse ato shfaqen rregullisht në biseda me një person të caktuar, veçanërisht gjatë orëve të vona, kjo mund të jetë një shenjë paralajmëruese.
“Nëse i sheh një herë ose dy, nuk përbëjnë ndonjë rrezik,” thotë Jones. “Por nëse shfaqen vazhdimisht në biseda me të njëjtin person, atëherë vërtet fillojnë të kenë një kuptim më të thellë.”
Nëse ndjeni se diçka nuk është në rregull, ai këshillon që të mos mbani dyshimet për vete. Përballuni me partnerin tuaj dhe diskutoni hapur ndjenjat dhe shqetësimet tuaja.
