Mos vishni çorape të zeza në aeroplan, kjo është arsyeja

Por tani, ish-anëtari i ekuipazhit të kabinës së British Airways, Kris Major, i cili ka punuar për kompaninë për më shumë se 17 vjet, ka shtuar një këshillë të re: mos vishni çorape të zeza gjatë fluturimit.

Nëse jeni nga ata persona që preferojnë t’i heqin këpucët gjatë udhëtimit, kjo këshillë mund t’ju interesojë.

Sipas Major, çorapet e zeza mund të jenë një “bezdi” dhe madje një “rrezik” në avion, sidomos gjatë fluturimeve të natës, shkruan Metro, transmeton Klankosova.tv.

Ai shpjegon:

“Në fluturimet e natës, ndriçimi në kabinë është i ulët dhe çorapet me ngjyrë të errët humbasin në hije. Problemi fillon kur pasagjerët shtrijnë këmbët dhe i nxjerrin në korridor. Në këto kushte, ekuipazhi mund të mos i vërejë këmbët tuaja deri në momentin e fundit.”

Pasojat? Anëtarët e ekuipazhit mund të pengohen, duke prishur qetësinë në kabinë dhe duke zgjuar pasagjerët që janë duke fjetur.

“Çështja nuk ka të bëjë me modën. Ka të bëjë me dukshmërinë,” thotë ai. “Në një korridor të ngushtë, ekuipazhi lëviz shpejt, shpesh duke mbajtur pije të nxehta dhe duke punuar mes çantave, bërrylave dhe pasagjerëve gjysmë të përgjumur. Çdo gjë që është e vështirë për t’u dalluar në nivelin e dyshemesë mund të bëhet shkak për një aksident.”

Por nuk janë vetëm të tjerët që mund të preken. Nëse këmbët tuaja nuk duken mirë, edhe ju mund të pësoni një goditje nga karroca e ushqimit ose pijeve që kalon në korridor.

Pra, për një fluturim më të sigurt dhe më të rehatshëm:

shmangni shtrirjen e këmbëve në korridor

merrni në konsideratë çorapet kompresive në fluturime të gjata;

dhe nëse i hiqni këpucët, ndoshta zgjidhni çorape me ngjyrë më të dukshme sesa të zeza.