Hiqeni menjëherë erën e duhanit nga rrobat dhe mobiliet: Një mënyrë e thjeshtë që ndryshon gjithçka

Era e duhanit është e qëndrueshme, ngjitet në rroba, perde dhe mobilie dhe më e keqja është se depërton edhe në hapësira që ajrosen rregullisht. Nëse pihet duhan në banesë, mjaftojnë disa orë që tekstili të përthithë tymin, i cili nuk largohet vetëm duke hapur dritaren. Prandaj prej vitesh përdoren disa truke që vërtet funksionojnë dhe nuk kushtojnë pothuajse asgjë.

Uthull ose qymyr aktiv

Në disa enë vendosni uthull vere ose copa qymyri aktiv dhe shpërndajini në dhomën ku pihet duhani. Të dy përbërësit janë thithës shumë të fuqishëm aromash. Nëse keni fëmijë ose kafshë shtëpiake, vendosini enët më lart. Mjafton t’i lini të qëndrojnë gjatë natës.

Parfum në llambë për aromë më të këndshme

Një pikë nga parfumi juaj i preferuar vendoset vetëm në llambë të ftohtë. Kur ndizni dritën, nxehtësia do të përhapë aromën dhe hapësira do të marrë një erë shumë më të këndshme, ndërsa aroma e tymit të duhanit pjesërisht neutralizohet, raporton Telegrafi, transmeton Periskopi.

Qeset aromatike për dollap

Dorezat, kapelat, shallët dhe çantat e dorës thithin aromën e tymit shumë lehtë. Lërini pak në ajrim, pastaj futini në një qese plastike së bashku me qese aromatike, si p.sh. ato me lavandë. Deri në mëngjes, aroma e cigareve do të zvogëlohet në minimum.

Nëse një copë rrobe vazhdon të mbajë aromë të fortë duhani, futeni në një qese plastike së bashku me disa lugë sodë buke ose me një letër aromatizuese për tharësen e rrobave. Mbylleni qesen dhe lëreni gjatë natës. Soda përthith aromën, ndërsa letra e tharëses lë një ndjesi freskie. Në mëngjes mjafton ta tundni rrobën ose ta lini pak në ajër, dhe aroma e tymit do të jetë dukshëm më e dobët ose do të zhduket plotësisht.

Rërë për mace

Në tabaka të duhanit vendosni pak rërë për mace, të zakonshme ose me aromë. Ajo përthith lagështinë dhe aromat e pakëndshme nga bishtat e cigareve dhe tabakaja do ta pastroni shumë më lehtë.