3 orë më parëSi ta kuptoni nëse ka kamera të fshehura në dhomën e hotelit
Periskopi(2 vite më parë)
(2 vite më parë)Të shumta kanë qenë rastet kur njerëzit kanë gjetur kamera të fshehura në hotelet apo shtëpi me qira gjatë pushimeve të tyre disa-ditore. Se si ndodh që këto kamera të jenë të pranishme në këto nuk ka ndonjë shpjegim, përveç se këto kamera vendosen në disa vende për çështje sigurie, transmeton Telegrafi. Megjithatë, në disa […]
Të shumta kanë qenë rastet kur njerëzit kanë gjetur kamera të fshehura në hotelet apo shtëpi me qira gjatë pushimeve të tyre disa-ditore.
Se si ndodh që këto kamera të jenë të pranishme në këto nuk ka ndonjë shpjegim, përveç se këto kamera vendosen në disa vende për çështje sigurie, transmeton Telegrafi.
Megjithatë, në disa raste këto kamera janë në disa vende ku nuk duhet, duke shkelur haptas çështjen e privatësisë për secilin mysafir.
Por, si mund ta dini nëse në dhomën ku qëndroni me pushime ka kamera të fshehta, ja disa këshilla.
Një prej mënyrave më të thjeshta që mund të identifikoni një kamerë të fshehtë është të fikni të gjitha dritat në dhomë dhe me një dritë të telefonit kërkoni për ndonjë reflektim drite dhe mundeni që të gjeni ndonjë lente drite.
Kontrolloni ngadalë dhe me kujdes të gjithë dhomën, pasi reflektimi i dritës mund të jetë shumë i vogël.
Për të parë nëse ka kamera në dhomën tuaj kontrolloni vendet ku mund të fshihen lehtësisht këto kamera sikurse detektorët e tymit, orët e alarmit, kokat e dushit dhe prizat.
Një metodë tjetër me të cilën mund ta gjeni nëse ka kamera është edhe ajo përmes Wi-Fi-s. Shkarkoni një aplikacion për skanimin e Wi-Fi-s për të parë se cilat pajisje janë të lidhura, por normalisht jo çdo herë kamerat janë të lidhura me Wi-Fi.
