Këto 6 ushqime të pasura me vitaminë C janë gjithçka që ju duhet këtë sezon, për të forcuar sistemin imunitar

Dimri po afron dhe bashkë me të vjen rreziku i disa sëmundjeve dhe infeksioneve. Për të mos harruar, COVID është ende i përhapur dhe shumë po përjetojnë simptoma të lidhura me të.

Për këtë arsye, është e rëndësishme t’i jepni trupit tuaj ushqimet dhe frutat më të mira që ndihmojnë në rritjen e imunitetit. Në veçanti, vitamina C ose acidi askorbik është një lëndë ushqyese e shkëlqyer që luan një rol intë rëndësishëm në mbështetjen e sistemit imunitar.  Më poshtë ju tregojmë një listë me ushqimet e pasura me këtë lëndë ushqyese!

Portokalli

Portokallet janë një nga burimet më të pasura me vitaminën C. Një portokall prej 100 g thuhet se ka rreth 53.2 mg vitaminë C. Kjo ndihmon në mbrojtjen e qelizave nga dëmtimi, rrit kolagjenin dhe përmirëson lëkurën, dhe më e rëndësishmja, rrit sistemin imunitar, i cili është sistemi kryesor mbrojtës i trupit tuaj.

Brokoli

Një 100 g brokoli thuhet se ka 89.2 mg vitaminë C dhe thuhet se gjysma e filxhanit me brokoli të zier në avull siguron 57% të dozes së nevojshme ditore me vitamin C. Përveç kësaj, ai përmban edhe lëndë ushqyese të tjera të rëndësishme si fibra, proteina dhe kalium.

Specat

Specat në formën e zileve kanë një nga përmbajtjet më të larta të vitaminës C. Sipas raporteve, një spec i vetëm siguron deri në 169% të dozës së rekomanduar dietike. Ngjyra e specit nuk ka rëndësi.

Lakra jeshile

Lakra jeshile (kale) është shumë më e pasur me vitaminë C se sa shumica e perimeve të tjera. Është në fakt një nga burimet më të mira në botë për vitaminën C. Thuhet se një lakër jeshile prej 100 g përmban 120 mg vitaminë C. Ajo që është më e mira për këtë perime është se ajo është gjithashtu e pasur me vitamina A dhe K, dhe folate.

Luleshtrydhet

Ky frut i shijshëm është i pasur me vitaminë C dhe antioksidantë të tjerë, të cilët ndihmojnë në uljen e rrezikut të sëmundjeve serioze shëndetësore si kanceri, diabeti, goditjet në tru dhe sëmundjet e zemrës. Një filxhan luleshtrydhe përmban gati 90 mg vitaminë C. Është gjithashtu një burim i shkëlqyer i magnezit dhe fosforit.

Domate

Domatet përmbajnë disa lëndë ushqyese jetike, por ato janë edhe shumë të pasura me vitaminë C. Thuhet se një domate e mesme mund të sigurojë rreth 28% të dozës ditore referuese . Domatja gjithashtu ka kalium, vitamina B dhe E dhe lëndë ushqyese të tjera. I përdorim shpesh si perime, megjithatë domatet janë një frut që mund të hahen edhe të papërpunuara.