4 mënyra se si padashje, po e bëni seksin të mërzitshëm

Ekspertët vazhdojnë ta përsërisin: Nuk mund të ketë pasion pa vulnerabilitet. Kjo është arsyeja pse seksi në fillim të një lidhjeje është zakonisht më i nxehti. Të mbash seksin pasionant me kalimin e kohës do të thotë të jesh gjithnjë i hapur ndaj partnerit. Kjo mund të jetë sfiduese, por jo e pamundur, me dikë që e njihni mirë.

Zgjidhja: Dilni nga zona juaj e rehatisë. Kjo nënkupton të provoni gjithçka: seks me sy hapur, të masturboheni me/pranë partnerit, të luani me role apo të shkoni në një klub striptizmi. Komunikoni me partnerin dhe bëni çfarë që ju emocionon!

2. Mbështeteni shumë tek “teknologjia e seksit”

Qoftë një vibrator apo pornografi, për disa çifte aspektet e teknologjisë dhe seksit mund të bëhen të rrezikshme. Sigurisht, ato ofrojnë kënaqësi seksuale shpesh në një mënyrë që partneri s’mund ta kuptojë. Madje, mund të jetë një shtesë pozitive në lidhjen tuaj, për shembull, kur e përdorni për të rritur dëshirën seksuale dhe më vonë e sillni atë energji të partneri. Ose kur e përdorni të dy për të shtuar intensitet në lojën seksuale. Por, teknologjia mund të jetë shkatërruese për lidhjen tuaj intime nëse në fund kufizon intimitetin mes teje dhe partnerit. Nëse ju kaloni në orgazëm me vibratorin, më shpesh se sa me partnerin – diçka nuk shkon.

Zgjidhja: Pyesni veten: A po më bën teknologjia seksuale të jem më afër, apo më larg partnerit tim?

3. E stër-mendoni seksin me partnerin

Mendjet tona të ndërgjegjshme janë aspekti kritik i funksionimit tonë në shumicën e detyrave të përditshme. Sidoqoftë, ato shkaktojnë më shumë dëm sesa mirë në shtrat. Shumica e njerëzve pajtohen se seksi i mrekullueshëm ndodh kur shkëputemi nga dialogu i pafund i mendjes sonë. “Si po ndihet ai/ajo?”, “Mos po bëj ndonjë gabim?”, “Mos po kaloj shumë kohë për orgazmën”, etj – Këto pyetje do t’ju shterojnë energjitë dhe do t’ju lodhin mendërisht.

Zgjidhja: Përdorni mendjen tuaj të ndërgjegjshme për të vendosur nëse doni të bëni seks. Nëse përgjigja është po, atëherë përqendrohuni në frymëmarrjen tuaj ose ndjesitë në trupin tuaj. Bëni çfarë ndjeni, pa e menduar gjatë se si do jetë rezultati. Aty ku ka pasion, dashuri dhe ndjenja – s’ka se si të mos rezultojë diçka e kënaqshme për të dy partnerët.

4. Shmangni llojin e seksit tek i cili jeni “më pak i mirë”

Të mos eksperimentoni me një pozicion apo lëvizje të re mund ta bëjë të mërzitshme lidhjen në aspektin seksual. Mos e kufizoni veten, sepse përveç mendimeve tuaja, nuk ju pengon asgjë tjetër.

Zgjidhja: Komunikoni me partnerin, njihuni me pozicione dhe metoda të reja dhe mos kini frikë të njiheni me përjetime që s’i kishit menduar më parë. Mos harroni: praktika ju bën perfekt.

Burimi: Psychology Today