Çfarë s’po bëni siç duhet që s’po ja dilni të keni një bark të sheshtë

Je regjistruar në palestër që në janar, por jemi në korrik dhe sërish barku yt është i pabindur për të shkuar aty ku duhet.  Pse?

Po i bëni ushtrimet fizike gabim

Vetëm vrapi apo ushtrimet kardio nuk mjaftojnë. Duhet të bëni një kombinim të ushtrimeve të zemrës dhe peshave. Zakonisht rekomandohen 250 minuta ushtrime në nivel mesatar dhe 125 minuta ushtrime me intensitet të lartë.

Mund të jeni duke konsumuar shumë ushqime të konservuara.

Buka e bardhë, biskotat, patatinat dhe sheqeri në pije rrisin rrezikun e peshës. Nga ana tjetër frutat dhe perimet bio kanë shumë antioksidantë, gjë që ndihmon në parandalimin e peshës së barkut.

Yndyrnat nuk janë të pashëndetshme, deri në momentin kur i hani gabim.

Trupi nuk reagon njësoj ndaj të gjitha yndyrnave. Ato që gjenden tek mishi dhe bulmeti për shembull janë më të dëmshme se ato tek lajthitë, peshku apo farat e luleve të diellit.

Jeni i stresuar!

Faturat, fëmijët apo familja mund të jenë duke ju stresuar  dhe rrjedhimisht po shtoni kile të tepërta. Kjo nuk ndodh sepse hani shumë, por sepse rritet sasia e kortizolit i cili rrit dhe nivelin e yndyrnave.

Pak orë gjumë, pak muskuj!

Një studim ka treguar që ata që flenë më pak se 6 orë gjumë i marrin kilet 30% më shpejt. Të gjitha institutet e shëndetit kanë sugjeruar që një i rritur duhet të flejë të paktën 8 orë.

Jeni i pamotivuar

Kjo arsye vlen për shumë gjëra që bëjmë gabim në jetë, por sidomos kur bëhet fjalë për ushtrime fizike. Gjeni një motiv për të shkuar në palestër, një shoqe, ose një trajner të mirë.

Burimi: Pop Sugar