5 planetë janë në prapavijë këtë muaj, kështu që: Paçi fat!

Oh i/e dashur, është një sezon tjetër me planetë në prapavijë! A është kjo periudha kur të gjithë ish-at tuaj kthehen nga e kaluara si një apokalips? A do t’ju prishet kompjuteri? Qetësohuni. Planetët në prapavijë sjellin më pak dëme se çfarë presin njerëzit, por sidoqoftë është një periudhë e komplikuar.

Ky muaj përfshin disa periudha me planetë në prapavijë – pesë për të qenë të saktë.

1. Plutoni (27 prill – 6 tetor)

Plutoni – planeti i krijimit dhe shkatërrimit – është një planet që pëlqen të ushtrojë kontroll dhe të fitojë pushtet. Kur Plutoni shkon në prapavijë, ka një tendencë të bëjë që strukturat e fuqisë të bëhen më të dukshm. Përgatituni të merrni një kuptim më të thellë të mënyrës se si kontrolloni dhe mënyrave në të cilat po kontrolloheni.

2. Saturni (23 maj – 10 tetor)

Shumë astrologë do t’ju thonë se Saturni në prapavijë nuk është diçka për t’u frikësuar. Në disa mënyra, është diçka për t’u festuar. Kjo sepse Saturni është planeti i disiplinës, autoritetit, strukturës dhe traditës. Në prapavijë, Saturni tenton t’ju japë një pushim nga kritikat dhe vëzhgimet.

3. Mërkuri ( 29 maj – 20 qershor)

Mërkuri është planeti i komunikimit, funksionit njohës dhe logjikës dhe sundon të gjërat që ndikojnë në jetën tuaj të përditshme. Gjatë prapavijës, aftësia për t’u mbështetur në gjëra të tilla si transaksionet, transporti dhe teknologjia sfidohet. Si rezultat? Një periudhë që duket e vështirë dhe konfuze. Mund ta keni të vështirë të përfundoni projekte dhe të komunikoni në mënyrë efektive. Mendoni dy herë para se të flisni.

4. Jupiteri (20 qershor – 18 tetor)

Jupiteri – planeti i aventurave, filozofisë dhe dashurisë. Duke qenë se është në prapavijë, ndikimi i tij në këto fusha sikur do të kufizohet pak.

5. Neptuni (25 qershor – 1 dhjetor)

Neptuni është planeti i ëndrrave, fantazive dhe iluzioneve. Ky planet ka prirjen t’ju bindë se diçka është e vërtetë edhe nëse është 100% e trilluar. Kjo mund të jetë një gjë e mrekullueshme nëse jeni duke u përpjekur të lidheni me krijimtarinë tuaj, por mund të jetë edhe e dëmshme. Kjo prapavijë do t’ju ndihmojë t’i hiqni syzet me ngjyrë trëndafili dhe t’i shihni gjërat në një mënyrë më realiste.