5 pyetje që duhet t’i bëni vetes para se të njihni dikë online

Njohjet online. Gjëja më e shpeshtë që kemi bërë gjatë karantinës dhe ndoshta e vetmja mënyrë për të njohur dikë. Kur filloni të flisni me dikë online, me siguri nuk mendoheni shumë para dhe kryesisht arsyet pse njerëzit zgjedhin njohjet virtuale janë si më poshtë:

1. “Isha i mërzitur dhe doja të kaloja kohën.”

2. “Ndihesha vetëm.”

3. “Doja seks.”

4.”Më hapi shoku/shoqja një llogari dhe s’kisha zgjidhje tjetër.”

Ok, të gjithë qëndrojnë, por në fakt para se të nisni njohjen me dikë online duhet t’i bëni vetes 5 pyetje për t’u siguruar që vërtet jeni gati për një njeri të ri në jetë!

1. A dua ta bëj këtë?

Duket si pyetje bazike, por s’është. Zakonisht njerëzit hapin profile për t’u njohur me dikë vetëm prej presionit shoqëror apo nga frika e vetmisë. Çfarë duhet të bëni është të fokusoheni tek vetja dhe të kuptoni çfarë doni realisht. Vetëm kështu mund të përballeni me frikërat dhe të çliroheni prej tyre.

2. Si kanë qenë dhe si jam sjellë në lidhjet e mëparshme?

Kjo është një tjetër pyetje shumë e rëndësishme për t’ja bërë vetes. Nëse marrëdhënia e mëparshme ka qenë serioze ose traumatike, është shumë e rëndësishme të keni marrë kohën e duhur për t’u shëruar. Mos u përpiqni ta përshpejtoni procesin. Njerëzit shpesh hidhen drejt një njohjeje online sapo marrëdhënia përfundon, duke harruar që kjo jo vetëm nuk do t’i shërojë plagët, por do të përfshijnë në lëndim edhe njerëz të tjerë.

3. Çfarë po kërkoj unë?

Do thjesht një aventurë? Po kërkon për dikë që do lidhje të qëndrueshme apo vetëm seks? Eshtë e rëndësishme ta ndash me veten për të qenë i qartë edhe me të tjerët.

4. A kam kohë për ta bërë këtë?

Edhe njohjet online kërkojnë kohë dhe përkushtim. Edhe nëse s’jeni takuar kurrë. Pyeteni veten nëse keni kohë mjaftueshëm për të folur rregullisht dhe për t’u sjellë siç duhet.

5. Çfarë mund t’i ofroj unë dikujt tjetër?

Ne kemi tendencën vetëm të presim nga dikush tjetër dhe shpesh harrojmë të pyesim çfarë japim. Nëse po kërkoni një marrëdhënie intensive të bazuar në sinqeritet duhet të përfshini ndjeshmërinë tuaj, vëmendjen dhe çiltërsinë. Nëse doni aventurë, jepni gjithë energjinë dhe humorin e mirë.

Burimi: Psychology Today