17 orë më parëNuk e merrni dot me mend se çfarë është Hippopotomonstrosesquippedaliofobia
Periskopi(5 vite më parë)
(5 vite më parë)Për aq kohë sa po lexoni hyrjen e këtij artikulli, me gjasë nuk e dini se çfarë është hippopotomonstrosesquippedaliofobia. Besojeni ose jo, ironikisht është frika nga fjalët e gjata. Sesquipedalofobia është një term tjetër për këtë fobi. Shoqata Amerikane e Psikiatrisë nuk e njeh zyrtarisht këtë fobi. Në vend të kësaj, fobia nga fjalët e […]
Për aq kohë sa po lexoni hyrjen e këtij artikulli, me gjasë nuk e dini se çfarë është hippopotomonstrosesquippedaliofobia. Besojeni ose jo, ironikisht është frika nga fjalët e gjata. Sesquipedalofobia është një term tjetër për këtë fobi.
Shoqata Amerikane e Psikiatrisë nuk e njeh zyrtarisht këtë fobi. Në vend të kësaj, fobia nga fjalët e gjata konsiderohet si fobi shoqërore. Sipas edicionit të fundit të Manualit Diagnostik dhe Statistikor të Çrregullimeve Mendore (DSM-5), kriteret për fobi sociale përfshijnë:
– frikë ose ankth në lidhje me situatat shoqërore, si njohja e njerëzve të rinj ose biseda.
– frika ose ankthi është joproporcional me situatën shoqërore.
– frika ose ankthi është i vazhdueshëm dhe situata shoqërore shmanget tej mase.
– frika, ankthi ose shmangia shkakton shqetësim klinik
Cilat janë simptomat?
Simptomat mund të shkaktohen kur një person sheh një fjalë të gjatë, të tilla si “antidisestablishmentarianism” apo “acidi dezoksiribonukleik”. Kjo mund të bëjë që një person me këtë frikë të shfaqë siklet ose ankth dhe të shmangë leximin.Provat sugjerojnë që frika nga fjalët e gjata mund të shkaktojë siklet ose frikë se mund të talleni teksa i shqiptoni.
Çfarë mund ta shkaktojë?
Nuk dihet shumë për shkaqet e kësaj fobie, por ka disa shkaqe dhe faktorë rreziku që janë të zakonshëm në të gjithë fobitë e shumta.
Një ngjarje negative shoqëruese: Për shembull, një person që e kishte të vështirë të mësonte fjalë si fëmijë mund të panikoset sa herë që sheh një fjalë të gjatë.
Gjenetika: Njerëzit të cilët kanë një histori familjare të fobive të caktuara, ankthit, të kushteve të tjera të shëndetit mendor mund të kenë një mundësi më të lartë për të zhvilluar të njëjtën lloj fobi.
Mjedisi: Kjo fobi mund të shkaktohet gjithashtu nga sjellja e mësuar, siç është dëgjimi për përvojat negative në lidhje me këtë fobi specifike.
Funksioni i trurit: Ndryshimet në aktivitetin e trurit gjithashtu mund të rrisin mundësitë për të zhvilluar një fobi të caktuar.
Flisni me një specialisht nëse po përjetoni këto simptoma. Ai mund t’ju ndihmojë të kuptoni simptomat dhe të krijoni një plan trajtimi.
